1 aprel 2022-ci il tarixində “Unico” QSC-nin 15 illiyi münasibəti ilə “JW Marriott Absheron Baku” Hotelində tədbir keçirilib.
Şirkətin təsisçisi Şafiddin Pirmətov açılış nitqi edərək qonaqları salamlayıb və “Unico” üçün özəl gündə birlikdə olduqlarına görə onlara təşəkkür edərək minnətdarlığını bildirib. Daha sonra şirkətin Direktoru Elçin Axundov “Unico”-nun 15 illik fəaliyyəti haqqında hazırlanmış qısa təqdimatı nümayiş etdirib.
Tədbirdə “Unico” ailəsinin əmək fəaliyyətlərində fərqlənmiş əməkdaşları müxtəlif nominasiyalar üzrə mükafatlandırılıblar. Tədbir Azərbaycan Respublikasının Əməkdar artisti Sevda Ələkbərzadə və “Cəngi Etno-caz” qrupunun çıxışı ilə davam edib.
Yubileydə qonaqlar şirkət və tədbir barədə duyğularını bölüşərək, dəvət üçün təşəkkür ediblər və “Unico” şirkətinə gələcək fəaliyyətlərində uğurlar arzulayıblar.
Sonda qonaqlara şirkətin korporativ təqdimat çarxı nümayiş etdirilib və musiqi qrupunun ifaları ilə tədbir yekunlaşdırılıb.
“Unico”-nun qısa tarixçəsi: 2007-ci ildən bu günə, 15 illik fəaliyyət dövrü…
2007 – “Unico” şirkəti təsis edilmişdir.
2009 – “Heydər Əliyev Mərkəzi” layihəsində daxili tamamlanma işləri görülmüşdür.
2013 – “Su İdmanı Sarayı” layihəsində fasad işləri görülməsi ilə şirkət daxilində “Fasad üzrə qrup” departamenti yaradılmışdır.
2016 – “Heydər Əliyev adına Müasir Təhsil kompleksi” layihəsi ilk baş podratçı qismində iştirak edilən layihə olmuş və eyni zamanda “UniPro” istehsal şirkəti təsis edilmişdir.
2021 – “Project Bureau Azerbajian” (PBA) şirkəti təsis edilmişdir.
2022 – “Assa Abloy” şirkətinin regional nümayəndəliyi alınmışdır.
15 illik fəaliyyəti dövründə “Unico” 42 layihə tamamlamış, bu layihələrdən 10-u baş podratçı qismində, 32-si isə Subpodratçı qismində icra edilmişdir.
Hal-hazırda şirkətin, davam edən 6 layihəsi vardır ki, bunlardan 3-ü baş podratçı qismində, digər 3-ü isə subpodratçı qismində icrası davam edən layihələrdir.
“Unico” şirkətinin layihələri siyahısından aşağıdakı, dövlət və beynəlxalq əhəmiyyətli layihələri qeyd etmək yerinə düşərdi.
1. Heydər Əliyev Mərkəzi
2. Su İdmanı Sarayı
3. “British Petroleum” ofis binası
4. Dövlət Neft Fondunun İnzibati Binası
5. Bona Dea Beynəlxlaq Xəstəxanası
6. Heydər Əliyev adına Müasir Təhsil Kompleksi
7. İqtisad Universitetinin 3 saylı Tədris korpusu
8. Bakı Avropa Liseyinin yeni binası
9. İqtisadiyyat Nazirliyi yanında Dövlət Vergi Xidmətinin İnzibati Binası
10. Ağdam şəhəri 1 saylı məktəb
“Unico” bu kimi dövlət və beynəlxalq əhəmiyyətli layihələrin icrasında iştirak etməkdən, ölkə infrastrukturuna qatqımızın olmasından qürur hissi duyduğunu ifadə edir. 15 il ərzində birgə addımlayan: “Unico” ailəsinə, müştərilərə və əməkdaşlıq edilən şirkətlərə təşəkkür edir!
Sözügedən tədbirdən, həmçinin “Unico”-nun 15 illiyinə həsr olunmuş videoçarx növbəti paylaşımlarımızda nəşr olunacaqdır. haqqında hazırlanmış videoçarxlar növbəti paylaşımlarımızda…
“Unico” varlığının illərlə, əsrlərlə yaşaması diləyi ilə.