Category Archives: Digər

  HomeUnico  /  Digər
15 May

İlham Əliyev və birinci xanım Mehriban Əliyeva Ağdam şəhərində salınacaq 3-cü yaşayış məhəlləsinin təməlinin qoyulması mərasimində iştirak ediblər

Categories Digər, Layihələr

Mayın 2-də Azərbaycan Respublikasının Prezidenti İlham Əliyev və birinci xanım Mehriban Əliyeva Ağdam şəhərində salınacaq 3-cü yaşayış məhəlləsinin təməlinin qoyulması mərasimində iştirak ediblər.

Dövlətimizin başçısına və xanımına əvvəlcə Ağdam şəhər 1 saylı məktəbin yeni binasında “Unico” QSC tərəfindən icra olunan tikinti işlərinin gedişi barədə məlumat verildi. Bildirildi ki, 960 şagird yerlik bu məktəbdə təhsil üçün hər cür şərait yaradılacaq.

Qeyd edək ki, bu məktəbin binasının təməli 2021-ci il mayın 28-də Prezident İlham Əliyev tərəfindən qoyulub. Fəaliyyətə 1883-cü ildə başlayan bu təhsil ocağı Qarabağ bölgəsinin ən qədim məktəbidir.

İşağldan azad olunan torpaqlarımızda bərpa-quruculuq işlərində iştirak etməkdən qürur duyuruq!

14 Dek

“UNICO” QSC ƏHATƏ DAİRƏSİNİ GENİŞLƏNDİRİR

Categories Assa Abloy, Digər, Yale

Belə ki, “ASSA Abloy”un region üzrə “Premium” partnyoru olan cəmiyyətimizin Azərbaycan hüdudlarından kənarda, Özbəkistan və Qazaxıstanda fəaliyyəti davam edir.

Daşkənd, Astana və Almatı şəhərində yerləşən ofislərimizdə çalışan əməkdaşlarımız iş başında.

Uğurlar arzulayırıq!

09 Dek

“UNICO” QSC STEAM AZƏRBAYCAN FESTİVALINDA QALİBLƏRİ MÜKAFATLANDIRDI

Categories Digər, Tədbirlər

“UNICO” QSC STEAM AZƏRBAYCAN FESTİVALINDA QALİBLƏRİ MÜKAFATLANDIRDI

SAF (STEAM Azerbaijan Festival) 2022 – Azərbaycan Respublikası Elm və Təshil Nazirliyinin dəstəyi ilə #STEAM Azərbaycan layihəsi çərçivəsində 5-9 dekabr 2022-ci il tarixlərində Baku #Expo Mərkəzində keçirilib. STEAM Azərbaycan Festivalı 2022 beynəlxalq formatda təşkil olunub.

Festivalın keçirilməsində məqsəd STEAM əsaslı tədrisin təşviqi, şagirdlər arasında XXI əsr bacarıqlarının inkişaf etdirilməsi, yaradıcı, #rəqəmsal #texnologiya biliciləri olan şagird və tələbələrin aşkarlanması və şəbəkələşməsi, innovasiyalar və rəqəmsallaşma üzrə beynəlxalq təcrübənin öyrənilməsindən ibarət olmuşdur.

Hər zaman elm və təhsil, #innovasiya, habelə gənclərin inkişafına dəstək olmaq üçün xüsusi diqqət ayıran “Unico” QSC bu tədbirdə də tərəfdaş qismində iştirak etmişdir. Tədbirdə cəmiyyətin təmsilçisi – İnsan Resursları və Inzibati işlər üzrə menecer Kamil Hüseynov qaliblərə mükfatları təqdim etmişdir.

Qalibləri təbrik edir və onlara növbəti uğurlar arzulayırıq!

11 Noy

“Unico” QSC ilə “Archico” MMC arasında 8 NOYABR – ZƏFƏR GÜNÜNƏ həsr olunmuş mini-futbol üzrə yoldaşlıq görüşü keçirilmişdir

Categories Digər

Görüşdə adıçəkilən şirkətlərin komandaları ilə yanaşı həmin şirkətlərin rəhbər heyəti və digər əməkdaşları da azarkeş qismində iştirak edərək komandalarına dəstək olmuşlar.

Dövlət Himninin səsləndirilməsi ilə başlayan tədbir, şəhidlərimizin xatirəsinin bir dəqiqəlik sükutla yad edilməsi ilə davam etmişdir. Tədbiri açıq elan edən “Unico” QSC-nin direktoru Elçin Axundov azarkeşləri salamlamış, bu qələbəni bizə yaşadan şəhidlərimizə Allahdan rəhmət diləmiş, qazilərimizə can sağlığı arzulamış, xalqımızı torpaqlarımızın geri alınması münasibəti ilə təbrik etmişdir. Bu görüşün keçirilməsində əsas məqsədin Azərbaycanda fəaliyyət göstərən inşaat şirkətləri arasında həmrəyliyin nümayiş etdirilməsindən ibarət olduğunu vurğulamış və hər iki komandaya uğurlar arzulamışdır. Sonra, çıxış edən “Archico” MMC-nin “Tikinti Departamenti”nin rəhbəri Nazim Şirinov da öz növbəsində azarkeşləri salamlamış, şəhidlərimizə rəhmət, qazilərimizə can sağlığı diləmiş, xalqımızı torpaqlarımızın geri alınması münasibəti ilə təbrik etmiş və hər iki komandaya uğurlar arzulamışdır.

Daha sonra, xüsusi təcrübəli və peşəkar hakimlər tərəfindən oyunçulara qaydalar barədə xatırlatma edilərək oyuna start verilmişdir. Bakı Olimpiya Stadionun mini futbol meydanaçalarında təşkil olunan yoldaşlıq görüşü “Archico” MMC-nin futbol komandasının qalibiyyəti ilə yekunlaşmışdır.

Yekunda, “Unico” QSC-nin direktoru Elçin Axundov “Zəfər Kuboku”nu “Archico” MMC-nin futbol komandasına təqdim etmişdir.

Qalibləri bir daha təbrik edir, növbəti oyunlarda uğurlar arzulayırıq.

Nəzərinizə çatdırmaq istərdik ki, Korporativ Sosial Məsuliyyətə hər zaman önəm verən cəmiyyətimiz, 2022-ci ildən etibarən “Zəfər Kuboku” adlı yeni KSM layihəsinə start verdiyini elan edir. Belə ki, bu kimi tədbirlər ənənəvi xarakter daşıyacaq və daha da genişləndiriləcəkdir.

27 Okt

Bu gün şahmat üzrə dünya çempionları ilə görüşdük!

Categories Digər

Qonaqlarımız şəkildə də gördüyünüz kimi son günlər çoxlarımızın tanıdığı və fəxr etdiyi İtaliyada #şahmat üzrə #gənclər arasında keçirilən #dünya çempionatının qalibləri Gövhər Beydullayeva və Abdulla Qədimbəyli olmuşdur.
 
Şirkət rəhbərliyi ilə olan görüşdə qaliblərimiz #uğur qazandıqları yolda olan uğur tarixlərini və gələcək üçün olan planlarını bölüşdülər.
 
Şirkətimiz də öz növbəsində qaliblərimizə ölkəmizə gətirdiyi uğurlara görə öz təşəkkürlərini bildirdi, hər zaman qaliblərimizin, ölkəmizin adını yüksəldən gənclərin yanında olduğunu, onlara dəstək göstərməyə hazır olduğunu xüsusi olaraq qeyd etdi.
 
Əziz gənclər, biz sizinlə #fəxr edirik!