UNICO şirkətlər qrupunun “COP29” adlı görüşü keçirilmişdir

Mərkəzi ofisdə baş tutan görüşdə “Unico”, “Project Bureau Azerbaijan”, “UniPro” şirkətlərinin rəhbərləri, həmçinin “Unico” QSC-nin SƏTƏMM üzrə rəhbəri iştirakı etmişdir.
 
Əsas müzakirə mövzuları bu il keçiriləcək “COP29” tədbiri və “Yaşıl dünya naminə həmrəylik ili” olmuşdur.
 
Şirkətlər qrupunun inşaat, memarlıq və layihələndirmə, həmçinin istehsalat sahəsi üzrə fəaliyyət göstərən cəmiyyətləri tərəfindən COP29-u təşviq etmək, habelə, müvafiq fəaliyyət sahələri üzrə baş verən proseslər zaman iqlim dəyişikliyinə neqativ təsir edən amilləri minimuma endirimək üçün bir neçə layihələr təqdim olunmuş və müzakirə edilmişdir.
 
Yekunda seçilmiş layihələr üzrə tədbirlər planının hazırlanması tapşırığı verilmişdir.
 
Həmin layihələr haqqında məlumatlar tezliklə ictimaiyyətə açıqlanacaqdır.

Ümummilli lider Heydər Əliyevin anadan olmasının 100 illiyinə həsr olunmuş “İnşaat sənayesi şirkətləri arasında şahmat turniri” keçirilmişdir

28 may 2023-cü il tarixində Bakı şəhərində təşkil olunan turnir, “Unico” QSC-nin təşkilatçılığı, “ADEC” MMC və “PMD Group” MMC-nin sponsorluğu və iştirakı, “Norm” ASC-nin, “Unimetal” MMC-nin, “Archico” MMC-nin iştirakı ilə baş tutmuşdur.

Azərbaycan Respublikasının Dövlət Himninin səslənməsi ilə başlayan turnirdə çıxış edən, “Unico” QSC-nin marketinq üzrə tərəfdaşı olan “Ontreeps Supreme Agency” MMC-nin direktoru Orxan Cəfərov açılış üçün sözü “Unico” QSC-nin İnsan resursları və inzibati işlər üzrə direktoru Kamil Hüseynova verilmişdir. O, iştirakçıları salamlayaraq turnirə qatıldıqları üçün təşəkkür etmiş, “Unico” QSC-nin Korporativ Sosial Məsuliyyət layihələrinə hər zaman önəm verdiyini və hər il KSM çərçivəsində bənzər tədbirlər həyata keçirdiyini xatırladaraq, bundan sonra da davam edəcəyini vurğulamış və iştirakçılara uğurlar arzulamışdır. Sonra çıxış üçün söz ASSA Abloy şirkətinin Qafqaz və Mərkəzi Asiya regionlarında Biznesin İnkişafı üzrə meneceri Ramil Quliyevə verilmiş o da öz növbəsində iştirakçılara uğurlar arzulamışdır. Daha sonra hakim Raul Quliyev tərəfindən oyunçulara şərtlər və qaydalar haqqında məlumat verilmişdir.

Turnir ilk rəmzi gedişlərin edilməsi ilə start götürmüşdür. 6 şirkətdən olan 11 əməkdaşın mübarizə apardığı 5 turdan ibarət turinin yekununda 2 nominasiya üzrə qaliblər müəyyən olunmuşdur.

Fərdi nominasiya üzrə:

I Yer – Əlizadə Nemət – “Norm” ASC

II Yer – Hümbətov Rafiq – “ADEC” MMC

III Yer – Həbibli Əziz – “Archico” MMC

Komanda üzrə:

I Yer – “ADEC” MMC

II Yer – “PMD Group” MMC

III Yer – “Norm” ASC

Qaliblər sertifikat, kubok və digər mükafatlarla təltif olunmuşdur. Qaliblərə mükafatları, Şahmat üzrə dünya çempionlarımız, qrossmeyster Gövhər Beydullayeva və qrossmeyster Abdulla Qədimbəyli təqdim etmişdir.

Qalibləri bir daha təbrik edirik. İştirakçılara bizimlə birgə olduqları üçün təşəkkür edirik.

Növbəti turnirlər üçün bizi izləməyə davam edin.

“Unico” QSC ilə “Archico” MMC arasında 8 NOYABR – ZƏFƏR GÜNÜNƏ həsr olunmuş mini-futbol üzrə yoldaşlıq görüşü keçirilmişdir

Görüşdə adıçəkilən şirkətlərin komandaları ilə yanaşı həmin şirkətlərin rəhbər heyəti və digər əməkdaşları da azarkeş qismində iştirak edərək komandalarına dəstək olmuşlar.

Dövlət Himninin səsləndirilməsi ilə başlayan tədbir, şəhidlərimizin xatirəsinin bir dəqiqəlik sükutla yad edilməsi ilə davam etmişdir. Tədbiri açıq elan edən “Unico” QSC-nin direktoru Elçin Axundov azarkeşləri salamlamış, bu qələbəni bizə yaşadan şəhidlərimizə Allahdan rəhmət diləmiş, qazilərimizə can sağlığı arzulamış, xalqımızı torpaqlarımızın geri alınması münasibəti ilə təbrik etmişdir. Bu görüşün keçirilməsində əsas məqsədin Azərbaycanda fəaliyyət göstərən inşaat şirkətləri arasında həmrəyliyin nümayiş etdirilməsindən ibarət olduğunu vurğulamış və hər iki komandaya uğurlar arzulamışdır. Sonra, çıxış edən “Archico” MMC-nin “Tikinti Departamenti”nin rəhbəri Nazim Şirinov da öz növbəsində azarkeşləri salamlamış, şəhidlərimizə rəhmət, qazilərimizə can sağlığı diləmiş, xalqımızı torpaqlarımızın geri alınması münasibəti ilə təbrik etmiş və hər iki komandaya uğurlar arzulamışdır.

Daha sonra, xüsusi təcrübəli və peşəkar hakimlər tərəfindən oyunçulara qaydalar barədə xatırlatma edilərək oyuna start verilmişdir. Bakı Olimpiya Stadionun mini futbol meydanaçalarında təşkil olunan yoldaşlıq görüşü “Archico” MMC-nin futbol komandasının qalibiyyəti ilə yekunlaşmışdır.

Yekunda, “Unico” QSC-nin direktoru Elçin Axundov “Zəfər Kuboku”nu “Archico” MMC-nin futbol komandasına təqdim etmişdir.

Qalibləri bir daha təbrik edir, növbəti oyunlarda uğurlar arzulayırıq.

Nəzərinizə çatdırmaq istərdik ki, Korporativ Sosial Məsuliyyətə hər zaman önəm verən cəmiyyətimiz, 2022-ci ildən etibarən “Zəfər Kuboku” adlı yeni KSM layihəsinə start verdiyini elan edir. Belə ki, bu kimi tədbirlər ənənəvi xarakter daşıyacaq və daha da genişləndiriləcəkdir.