Bakı Dövlət Universitetinin (BDU) Mexanika-riyaziyyat fakültəsinin IV kurs tələbələri Vüqar Quliyev və Amil Cəbiyev Bolqarıstanda Amerika Universiteti və London Universitet Kollecinin birgə təşkilatçılığı ilə Blaqoevqrad şəhərində keçirilən Beynəlxalq Riyaziyyat Olimpiadasında böyük uğura imza atıblar. Belə ki, Vüqar Quliyev Olimpiadada I yeri qazanaraq qızıl, Amil Cəbiyev isə III yeri tutaraq bürünc medala sahib olub.
Ənənəmizə sadiq qalaraq ölkəmizi beynəlxalq arenada təmsil edən və uğura imza atan şəxslərlə görüşlərimizi davam etdiririk. Görüşdə qaliblərimiz ilə həmsöhbət olduq. Onlar uğur qazandıqları yolda olan tarixçələrini və gələcək üçün olan planlarını bizimlə bölüşdülər. Şirkətlər qrupunun Maliyyə rəhbəri Vadim Abdullayev və Hüquqşünas, İnsan Resursları və inzibati işlər üzrə rəhbəri Zaur Zeynalov Unico ailəsi adından qaliblərimizə ölkəmizə gətirdikləri uğura görə öz təşəkkürlərini bildirmiş, hər zaman qaliblərimizin, ölkəmizin adını yüksəldən gənclərin yanında olduğunu, onlara dəstək göstərməyə hazır olduğunu xüsusi olaraq qeyd etmişdir.
Tələbələrimizi təbrik edir, daha böyük uğurlar arzulayırıq!
26 Avq
