Türkiyədə “iş dünyası – 100 ilin zirvəsi” adlı forum və sərgi keçirilmişdir

21-23 noyabr 2023-cü il tarixlərində Kiçik və Orta Biznes Subyektləri və Klublarının Assosiasiyasının (KOBSKA) və Türkiye Azerbaycan Dostluk İşbirliği ve Dayanışma Vakfının (TADİV) təşkilatçılığı ilə Türkiyənin paytaxtı Ankara şəhərində Organize Sanayi Bölgesi’də (OSTİM) “İş dünyası-100 İlin Zirvəsi 2” adlı biznes forum və sərgi baş tutmuşdur. 

Ulu öndər Heydər Əliyevin 100 ilik yubileyinə və Türkiyə Respublikasının 100 illiyinə həsr olunmuş zirvə, Azərbaycan və qardaş ölkə Türkiyə arasındakı iqtisadi əlaqələrin möhkəmlənməsi və 2 ölkənin KOB subyektləri arasında əlaqələrin, əməkdaşlığın qorunmasına və artmasına töhfə vermək məqsədilə keçirilmişdir.

30-a yaxın şirkətin iştirak etdiyi forum və sərgidə “Unico” QSC xüsusi sponsor qismində iştirak etmişdir. Sonda “Unico” QSC-nin Maliyyə və Hüquq Departamentinin rəhbəri Çingiz Qurbanova təşəkkürnamə təqdim edilmişdir.

Unico QSC-nin İnsan resursları heyəti Xəzər Universitetində keçirilən karyera sərgisində

31 may 2023-cü il tarixində, Xəzər Universitetində “Karyera Sərgisi” keçirilib. Sərgidə sonuncu kurs tələbələrinə və məzunlara müxtəlif istiqamətlərdə karyera qurmaq imkanları təqdim olunub.

Onlarla şirkətin iştirak etdiyi sərgidə tələbə və məzunların xüsusi marağını cəlb edən “Unico” stendi davamlı ziyarətçi sayı ilə xüsusi fərqlənib.

Qeyd etmək yerinə düşər ki, hər zaman gənclərin inkişafını düşünərək, savadlı və təcrübəli mütəxəssislərin yetişdirilməsini ön planda tutan “Unico” hər il tələbə və məzunlar üçün müxtəlif  təcrübə proqramları keçirməklə yanaşı bu kimi sərgilərə qatılaraq, nəzəri biliklərə malik gənclərimizin iş təcrübəsinə yiyələnmələrinə daima dəstək olmuşdur. Bununla yanaşı, təcrübə proqramı dövründə xüsusi fərqlənən və proqramı uğurla başa vuran təcrübəçilərə, şirkətdə kiçik mütəxəssis vəzifəsi üzrə çalışmaq şansları da yaradılmışdır.

Ümummilli lider Heydər Əliyevin anadan olmasının 100 illiyinə həsr olunmuş “İnşaat sənayesi şirkətləri arasında şahmat turniri” keçirilmişdir

28 may 2023-cü il tarixində Bakı şəhərində təşkil olunan turnir, “Unico” QSC-nin təşkilatçılığı, “ADEC” MMC və “PMD Group” MMC-nin sponsorluğu və iştirakı, “Norm” ASC-nin, “Unimetal” MMC-nin, “Archico” MMC-nin iştirakı ilə baş tutmuşdur.

Azərbaycan Respublikasının Dövlət Himninin səslənməsi ilə başlayan turnirdə çıxış edən, “Unico” QSC-nin marketinq üzrə tərəfdaşı olan “Ontreeps Supreme Agency” MMC-nin direktoru Orxan Cəfərov açılış üçün sözü “Unico” QSC-nin İnsan resursları və inzibati işlər üzrə direktoru Kamil Hüseynova verilmişdir. O, iştirakçıları salamlayaraq turnirə qatıldıqları üçün təşəkkür etmiş, “Unico” QSC-nin Korporativ Sosial Məsuliyyət layihələrinə hər zaman önəm verdiyini və hər il KSM çərçivəsində bənzər tədbirlər həyata keçirdiyini xatırladaraq, bundan sonra da davam edəcəyini vurğulamış və iştirakçılara uğurlar arzulamışdır. Sonra çıxış üçün söz ASSA Abloy şirkətinin Qafqaz və Mərkəzi Asiya regionlarında Biznesin İnkişafı üzrə meneceri Ramil Quliyevə verilmiş o da öz növbəsində iştirakçılara uğurlar arzulamışdır. Daha sonra hakim Raul Quliyev tərəfindən oyunçulara şərtlər və qaydalar haqqında məlumat verilmişdir.

Turnir ilk rəmzi gedişlərin edilməsi ilə start götürmüşdür. 6 şirkətdən olan 11 əməkdaşın mübarizə apardığı 5 turdan ibarət turinin yekununda 2 nominasiya üzrə qaliblər müəyyən olunmuşdur.

Fərdi nominasiya üzrə:

I Yer – Əlizadə Nemət – “Norm” ASC

II Yer – Hümbətov Rafiq – “ADEC” MMC

III Yer – Həbibli Əziz – “Archico” MMC

Komanda üzrə:

I Yer – “ADEC” MMC

II Yer – “PMD Group” MMC

III Yer – “Norm” ASC

Qaliblər sertifikat, kubok və digər mükafatlarla təltif olunmuşdur. Qaliblərə mükafatları, Şahmat üzrə dünya çempionlarımız, qrossmeyster Gövhər Beydullayeva və qrossmeyster Abdulla Qədimbəyli təqdim etmişdir.

Qalibləri bir daha təbrik edirik. İştirakçılara bizimlə birgə olduqları üçün təşəkkür edirik.

Növbəti turnirlər üçün bizi izləməyə davam edin.

“Nordic Business Club” Bakıda tədbir keçirdi

27 aprel 2023-cü il tarixində “Hyatt Regency Hotel”də təşkil olunan tədbirdə, #Norveç Krallığının səfiri Erling Şönsberq, #İsveç Krallığının səfiri Tobias Lorentzson, #Finlandiya Respublikasının səfiri Kristi Narinen, #Danimarka Krallığının səfiri Danny Annan, “ASSA ABLOY”-un Biznesin İnkişafı üzrə Regionnal meneceri Ramil Quliyev, “ASSA ABLOY”-un region üzrə premium partnyoru “Unico” şirkətlər qrupunun İnsan Resursları üzrə direktoru Kamil Hüseynov, həmçinin, direktor köməkçisi Emin Qasımov və digər #Skandinav mənşəli qurumların və onlarla biznes əlaqələri olan müxtəlif şirkətlərin nümayəndələri iştirak etdi.

Tədbirdə biznes klubun ideyası və Azərbaycanda fəaliyyəti haqqında çıxışlar edilmiş, növbəti addımlar haqqında #ideyalar və fikirlər əsasında müzakirələr aparılmışdır. Sonda tədbir #networking hissəsi ilə yekunlaşdı.

Qeyd edək ki, “Nordic Business Club”ın ideyası, regional iş mühitində əlaqələrin qurulması, sosial mühit və iş ortamı yaratmaq üçün Azərbaycanda təmsil olunan və fəaliyyət göstərən Skandinav mənşəli şirkətləri, həmçinin həmin şirkətlərlə biznes əlaqələri olan şəxsləri bir araya toplamaqdan ibarətdir.

“Unico” QSC heyəti “Karyera Sərgisində” iştirak edib

4 aprel 2023-cü il tarixində, Azərbaycan #Memarlıq və #İnşaat Universitetində “#Karyera Sərgisi” keçirilib. Sərgidə sonuncu kurs tələbələrinə və məzunlara müxtəlif istiqamətlərdə karyera qurmaq imkanları təqdim olunub.

80-dən çox şirkətin iştirak etdiyi sərgidə #tələbə və məzunların xüsusi marağını cəlb edən “Unico” stendi davamlı ziyarətçi sayı ilə xüsusi fərqlənib. 

Qeyd etmək yerinə düşər ki, hər zaman gənclərin inkişafını düşünərək, savadlı və təcrübəli mütəxəssislərin yetişdirilməsini ön planda tutan “Unico” hər il tələbə və məzunlar üçün müxtəlif #təcrübə proqramları keçirməklə yanaşı bu kimi sərgilərə qatılaraq, nəzəri biliklərə malik gənclərimizin iş təcrübəsinə yiyələnmələrinə daima #dəstək olmuşdur. Bununla yanaşı, təcrübə proqramı dövründə xüsusi fərqlənən və proqramı uğurla başa vuran təcrübəçilərə, şirkətdə kiçik mütəxəssis vəzifəsi üzrə çalışmaq şansları da yaradılmışdır.