Ötən günlərdə “Unico” heyəti “ASSA Abloy” və “BI Group” şirkətlərinin nümayəndələri ilə görüşlər keçirmişdir.
Görüşlərin keçirilməsində əsas məqsəd beynəlxalq arenada inkişaf üzrə əməkdaşlıq münasibətlərinin həmçinin gələcək addımların müzakirəsindən ibarət olmuşdur.
27 May 2022-ci il tarixində “Unico” QSC-nin İnsan Resursları və İnzibati Məsələlər üzrə Meneceri Kamil Hüseynov “Azərbaycan Dövlət İqtisad Universiteti”ndə bakalavr pilləsinin sonuncu kursunda təhsil alan tələbələr və məzunlar üçün “Unico” QSC-nin “Gələcəyə Addım” adlı təcrübə proqramının təqdimatını keçirib. Daha sonra tələbələrin şirkət və təcrübə proqramı haqqında sualları cavablandırılıb. Sonda universitet nümayəndələri və tələbələr “Unico” şirkətinə bu kimi təcrübə proqramları keçirərək onları daim düşündükləri üçün təşəkkür etdilər.
12 May 2022-ci il tarixində “Unico” QSC-nin İnsan Resursları və İnzibati Məsələlər üzrə Meneceri Kamil Hüseynov “Baki Mühəndislik Universiteti”ndə “Unico” QSC-nin “Gələcəyə Addım” adlı təcrübə proqramının təqdimatını keçirdi. Daha sonra tələbələrin şirkət və təcrübə proqramı haqqında sualları cavablandırıldı. Tələbələr “Unico” şirkətinə bu kimi təcrübə proqramları keçirərək onları daim düşündükləri üçün təşəkkür etdilər.
26 aprel 2022-ci il tarixində, Azərbaycan #Memarlıq və #İnşaat Universitetində “#Karyera Sərgisi” keçirilib. Sərgidə sonuncu kurs tələbələrinə və məzunlara müxtəlif istiqamətlərdə karyera qurmaq imkanları təqdim olunub.
80-dən çox şirkətin iştirak etdiyi sərgidə #tələbə və məzunların xüsusi marağını cəlb edən “Unico” stendi davamlı ziyarətçi sayı ilə xüsusi fərqlənib.
Qeyd etmək yerinə düşər ki, hər zaman gənclərin inkişafını düşünərək, savadlı və təcrübəli mütəxəssislərin yetişdirilməsini ön planda tutan “Unico” hər il tələbə və məzunlar üçün müxtəlif #təcrübə proqramları keçirməklə yanaşı bu kimi sərgilərə qatılaraq, nəzəri biliklərə malik gənclərimizin iş təcrübəsinə yiyələnmələrinə daima #dəstək olmuşdur. Bununla yanaşı, təcrübə proqramı dövründə xüsusi fərqlənən və proqramı uğurla başa vuran təcrübəçilərə, şirkətdə kiçik mütəxəssis vəzifəsi üzrə çalışmaq şansları da yaradılmışdır.
Tədbir qapı açma həlləri və rəqəmsal giriş texnologiyaları üzrə inşaatda innovasiyalara həsr olunub. Bu xüsusi gün, İsveç Krallığının Azərbaycan Respublikasındakı fövqəladə və səlahiyyətli səfiri cənab Kristian Kamill, Azərbaycan Respublikasının nazirliklərinin və digər dövlət qurumlarının səlahiyyətli şəxsləri, aparıcı holdinqlərin direktorları, inşaat, dizayn, memarlıq və telekommunikasiya sahələri üzrə idarəedici şəxslər kimi fəxri qonaqları bir araya toplayıb. Tədbirin təşkil olunmasında “ASSA ABLOY” şirkətinin regional nümayəndəliyi olan “UNICO” QSC tərəfindən xüsusi dəstək göstərilib.
“İnşaatda innovasiyalar” adlı xüsusi tədbirdə, “Aperio”, “Incedo”, “Pulse” elektro-mexaniki və qapı avtomatlaşdırma sistemləri kimi ən innovativ texnologiyalar və həllər təqdim edilib. Bundan əlavə tədbirdə çox çeşidli hücum üsulları istifadə edilərək məcburi giriş hücumuna qarşı müqavimət göstərən “LPS 1175” buraxılış “7 SR3”-ə uyğun olan qapıların, xüsusilə təhlükəsizlik dərəcəsinə malik qapıların təqdim olunmasına xüsusi diqqət yetirilib.
Qeyd edək ki, 15 illik fəaliyyəti dövründə əldə etdiyi yüksək idarəetmə və istehsalat keyfiyyətlərinə göstərdiyi səylərin nəticəsində Azərbaycanda bu sahədə ilk olaraq yerli şirkət kimi “UNI KO” QSC 2022-ci ildən etibarən qapı və girişə nəzarət sistemləri üzrə dünya lideri “ASSA ABLOY” tərəfindən regional nümayəndəlik statusuna layiq görülmüşdür. Sözügedən əməkdaşlıq çərçivəsində “UNI KO” QSC-nin istehsal törəmə şirkəti olan “UniPro” Azərbaycanda “ASSA ABLOY” ilə birlikdə yanğına davamlı və akustik qapıların istehsalını həyata keçirəcəkdir.
İstehsal ediləcək məhsullar haqqında ətraflı məlumat üçün növbəti paylaşımlarımızı izləyin…