Türkiyədə “iş dünyası – 100 ilin zirvəsi” adlı forum və sərgi keçirilmişdir

21-23 noyabr 2023-cü il tarixlərində Kiçik və Orta Biznes Subyektləri və Klublarının Assosiasiyasının (KOBSKA) və Türkiye Azerbaycan Dostluk İşbirliği ve Dayanışma Vakfının (TADİV) təşkilatçılığı ilə Türkiyənin paytaxtı Ankara şəhərində Organize Sanayi Bölgesi’də (OSTİM) “İş dünyası-100 İlin Zirvəsi 2” adlı biznes forum və sərgi baş tutmuşdur. 

Ulu öndər Heydər Əliyevin 100 ilik yubileyinə və Türkiyə Respublikasının 100 illiyinə həsr olunmuş zirvə, Azərbaycan və qardaş ölkə Türkiyə arasındakı iqtisadi əlaqələrin möhkəmlənməsi və 2 ölkənin KOB subyektləri arasında əlaqələrin, əməkdaşlığın qorunmasına və artmasına töhfə vermək məqsədilə keçirilmişdir.

30-a yaxın şirkətin iştirak etdiyi forum və sərgidə “Unico” QSC xüsusi sponsor qismində iştirak etmişdir. Sonda “Unico” QSC-nin Maliyyə və Hüquq Departamentinin rəhbəri Çingiz Qurbanova təşəkkürnamə təqdim edilmişdir.

28 Fevral 2023-cü il tarixində Özbəkistanın Daşkənd şəhərinin Uz Expo Mərkəzində “UZBUILD 2023” adlı beynəlxalq sərgi keçiriləcəkdir

“UZBUILD 2023” sərgisində binalarda və tikintidə istifadə edilən ən son nailiyyətlər təqdim ediləcəkdir. Sərgi zamanı “Unico” QSC-nin Ticarət departamentinin əməkdaşları tərəfindən açılış həlləri üzrə dünya lideri olan İşveçin “ASSA Abloy” şirkətinin məhsulları nümayiş ediləcəkdir. Nümayiş olunan eksponatlar aşağıdakılardan ibarət olacaqdır.

ASSA Abloy:

  • Incedo
  • Aperio
  • CLIQ
  • Yüksək təhlükəsizliyə malik qapılar
  • Avtomatik sürüşən qapılar

Yale:

  • Wi-Fi Kameralar

Məlumat üçün qeyd etmək istərdik ki, “Unico” QSC 1 fevral 2022-ci il tarixindən etibarən “ASSA Abloy” şirkətinin rəsmi regional nümayəndəsidir. Elə həmin ildə “Unico” QSC daxilində “Ticarət departamenti” yaradılmışdır. Departamentin yaradılma məqsədi “ASSA Abloy” məhsulları üzrə spesifikasiya, qiymətləndirmə, satış və marketinq əməliyyatlarının həyata keçirilməsindan ibarət olmuşdur.

13 aprel 2022-ci il tarixində isə “Unico” QSC-nin nəzdində “UNİ Production” MMO adı altında yeni törəmə şirkət yaradılmışdır. Daha sonra “ASSA Abloy” məhsullarının Mərkəzi Asiya ölkələrinə tanıdılması və satışının təşkil olunması məqsədilə Qazaxıstanın Almatı, Astana və Özbəkistanın Daşkənd şəhərində ofislər fəaliyyətə başlamışdır.

17 iyun 2022-ci il tarixində “ASSA Abloy” şirkətinin Orta Şərq və Türkiyə üzrə Biznes və Marketinq Meneceri Mariona Tous tərəfindən “Unico” QSC region üzrə ilk və tək “Premium Partnyor” akkreditasiyasına layiq görülmüşdür.

“ABLOY” tərəfindən keçirilən “Going the Extra Mile” adlı Beynəlxalq Sammit 2022

“Unico” QSC-nin Baş direktoru Elçin Axundov və Strategiya və Biznesin İnkişafı üzrə direktor müavini Mircəfər Cəfərov xüsusi dəvət ilə Finlandiyanın Helsinki şəhərində “#ABLOY” tərəfindən keçirilən “Going the Extra Mile” adlı #Beynəlxalq #Sammit 2022-də iştirak ediblər.

Sammitin keçirildiyi iki gün müddətində əlavə millərə necə irəlilənəcəyi və birinci sinif müştəri tərcübəsinin necə yaradılacağı haqqında müzakirələr aparılmışdır.  

13-15 Sentyabr 2022-ci il tarixlərində “Unico” QSC-nin Fasad Departamentinin Meneceri Ruslan Rüstəmov Rusiyanın paytaxtı Moskva şəhərində keçirilən “VII Fasad Konqresi”ndə iştirak etmişdir

13-15 Sentyabr 2022-ci il tarixlərində “Unico” QSC-nin Fasad Departamentinin Meneceri Ruslan Rüstəmov Rusiyanın paytaxtı Moskva şəhərində keçirilən “VII Fasad Konqresi”ndə iştirak etmişdir.

Rusiyanın Fasad Akademiyasının təşkilatçılığı ilə keçirilən tədbirdə 300-dən çox fasad üzrə rəhbər heyət və aparıcı texniki mütəxəssislər iştirak etmişdir. 

Konqresin keçirilməsində məqsəd 2022 -2023-cü illərdə fasad mütəxəssislərinin uğurlu addımlar atmaları üçün onların praktik, analitik, normativ və texniki məlumatlar toplusu ilə təmin olunmasından ibarət olmuşdur.

Konqresdə 50-dən çox məruzəçi qonaqlar, o cümlədən alimlər, nüfuzlu ekspertlər və aparıcı şirkətlərin rəhbərləri qarşısında çıxış etmişdir.