Category Archives: Layihələr

  HomeUnico  /  Layihələr
03 İyn

UNICO-nun XARİCİ BAZARLARDA UĞURLARI SİLSİLƏSİNDƏN

Categories Layihələr, Qlobal Əməliyyatlar

Qazaxıstan Respublikasının Prezidenti Kasım-Jomart Tokayev Almatı şəhərinə işgüzar səfəri zamanı Beynəlxalq Hava Limanının Yeni Terminalında görülən işlər ilə tanış olub. Terminalın açılışı ərəfəsində dövlət başçısına görülən işlər barədə məlumat verilərək hava limanında yaradılmış infrastruktur təqdim edilib. Ümumi sahəsi 53,5 min kvadratmetr olan hava limanı ildə 14 milyon sərnişin qəbul etmə potensialına malikdir. Yeni terminal Mərkəzi Asiyada “Excellence in Design for Greater Efficiency” (EDGE) proqramı çərçivəsində sertifikatlaşdırılan ilk terminal olacaq.

Məmnuniyyətlə qeyd etmək istərdik ki, “TAV Group” ilə birgə əməkdaşlıq nəticəsində sözügedən hava limanının VİP Terminalı və PTB Terminallarındakı bütün yanğına davamlı metal qapılar, yanğına davamlı VİP taxta qapılar və bütün digər taxta qapılar Unico şirkətlər qrupunun fabrikində (UniPro) beynəlxalq standartlara uyğun olaraq istehsal olunmuşdur. İxrac potensialımızın başlanğıcı olan, beynəlxalq səviyyəli layihənin yenidənqurma işlərində iştirak etdiyimiz üçün qürur duyuruq.

UNICO fəaliyyət dairəsini genişləndirməyə və ixrac imkanlarını artırmağa davam edir…

12 Mar

Azərbaycan və Qazaxıstan prezidentləri Füzulidə Kurmanqazı adına Uşaq Yaradıcılıq Mərkəzinin açılış mərasimində iştirak ediblər

Categories Layihələr

Martın 12-də Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev Füzuli şəhərində inşa olunan Kurmanqazı adına Uşaq Yaradıcılıq Mərkəzinin açılış mərasimində iştirak ediblər. 

“UNICO” şirkətlər qrupu olaraq Qazaxıstanın “BI GROUP” holdinqi ilə birgə əməkdaşlıq çərçivəsində inşaat işlərini həyata keçirdiyimiz bu layihəni 9 aya tamamladıq. Partnyorumuza fəaliyyətimizi qiymətləndirib bizi təşəkkürnamə ilə təltif etdiyi üçün xüsusi təşəkkür edir və növbəti birgə layihələrimizdə uğurlar arzulayırıq!

Daha bir qürurverici məqam ondan ibarətdir ki, şirkətlər qrupuna daxil olan 4 törəmə müəssisəmizinn hər biri sözügedən layihənin icra olunmasında aşağıdakı işləri həyata keçirmişdir.

– Unico CJSC – Baş podratçı qismində inşaat işləri

– PBA CJSC – layihələndirmə işləri

– UniPro LLC – daxili mebel və taxta məmulatlarının hazırlanması və quraşdırılması

– ASSA ABLOY Group ilə birlikdə – Azərbaycanda ilk dəfə olaraq master açar sisteminin tətbiq olunması, yüksək təhlükəsizlik sertifikatlarına malik yanğına davamlı qapıların istehsalı və montajı

Qeyd etmək istərdik ki, “BI GROUP” ilə əməkdaşlıq çərçivəsində Füzuli şəhərində yeni tikiləcək “Hospital” layihəsinin inşaat işlərində də iştirak edəcəyik.

Biz fəxr edirik ki, doğma vətənimizdə, Ağdam məktəbi layihəsindən sonra daha bir təhsil mərkəzi layihəsinin tikintisi işlərini uğurla icra etdik. Bütün bu layihələrdə əməyi keçən hər kəsə təşəkkür edir, gələcək layihələrimizdə uğurlar arzulayırıq!

26 May

“Unico” QSC ofis əməkdaşları üçün Qarabağa sahə səfəri təşkil edib

Categories Əməkdaşlar, Layihələr
Belə ki, əməkdaşlar işğaldan azad olunmuş Füzuli şəhərində icrası davam edən “Kurmanqazi Uşaq Yaradıcılığının İnkişafı Mərkəzi” layihəsində görülən işlərlə tanış olublar. Layihə heyəti tərəfindən sahə ziyarətçilərinə görülən işlər haqqında ətraflı məlumat verilib.
 

Xatırlatma üçün qeyd etmək istərdik ki, 2023-cü il mart ayının 7-də işğaldan azad edilmiş Füzuli şəhərində Qazaxıstan Prezidenti Qasım-Comərd Tokayevin tapşırığı ilə tikiləcək Kurmanqazi Uşaq Yaradıcılığının İnkişafı Mərkəzinin təməlqoyma mərasimi keçirilib, hansı ki, qardaş ölkələr arasında dostluq, qardaşlıq və qarşılıqlı dəstəyi təcəssüm etdirən qazax xalqının Azərbaycan xalqına hədiyyəsidir.

“Unico” QSC mütəmadi olaraq ofis əməkdaşları üçün sahə səfərləri təşkil edir ki, bu da əməkdaşların layihələrlə daha yaxından tanış olmalarına və həmin layihə üzrə müvafiq ehtiyacların öyrənilməsi və işlərin yerinə yetirilməsi baxımından effektiv nəticələr əldə etmələrinə dəstək olur.

15 May

İlham Əliyev və birinci xanım Mehriban Əliyeva Ağdam şəhərində salınacaq 3-cü yaşayış məhəlləsinin təməlinin qoyulması mərasimində iştirak ediblər

Categories Digər, Layihələr

Mayın 2-də Azərbaycan Respublikasının Prezidenti İlham Əliyev və birinci xanım Mehriban Əliyeva Ağdam şəhərində salınacaq 3-cü yaşayış məhəlləsinin təməlinin qoyulması mərasimində iştirak ediblər.

Dövlətimizin başçısına və xanımına əvvəlcə Ağdam şəhər 1 saylı məktəbin yeni binasında “Unico” QSC tərəfindən icra olunan tikinti işlərinin gedişi barədə məlumat verildi. Bildirildi ki, 960 şagird yerlik bu məktəbdə təhsil üçün hər cür şərait yaradılacaq.

Qeyd edək ki, bu məktəbin binasının təməli 2021-ci il mayın 28-də Prezident İlham Əliyev tərəfindən qoyulub. Fəaliyyətə 1883-cü ildə başlayan bu təhsil ocağı Qarabağ bölgəsinin ən qədim məktəbidir.

İşağldan azad olunan torpaqlarımızda bərpa-quruculuq işlərində iştirak etməkdən qürur duyuruq!

09 Mar

2023-cü il martın 7-də Füzuli şəhərində Kurmanqazı Uşaq Yaradıcılıq Mərkəzinin təməli qoyulub

Categories Layihələr, Tərəfdaşlıq

Belə ki, martın 7-də işğaldan azad edilmiş Füzuli şəhərində Qazaxıstan Prezidenti Qasım-Jomart Tokayevin tapşırığı ilə tikiləcək Kurmanqazi Uşaq Yaradıcılığının İnkişafı Mərkəzinin təməlqoyma mərasimi keçirilib, hansı ki, qardaş ölkələr arasında dostluq, qardaşlıq və qarşılıqlı dəstəyi təcəssüm etdirən qazax xalqının Azərbaycan xalqına hədiyyəsidir.

Təməlqoyma mərasimində Azərbaycan Respublikası Prezidentinin Qarabağ İqtisadi Bölgəsi üzrə xüsusi nümayəndəsi Emin Hüseynov, Qazaxıstan Respublikasının Azərbaycandakı Səfirliyinin siyasi müşaviri Jandos Nurmahambetov, BI Group Holding-in Direktorlar Şurasının sədri Aydın Rəhimbayev, layihə rəhbəri Daulet Janabilov, Unico QSC-nin təsisçisi Şəfiddin Pirmatov və Unico QSC-nin direktoru Elçin Axundov iştirak ediblər.

Bu ikimərtəbəli mərkəz gündə 600 ziyarət üçün nəzərdə tutulmuşdur və onun əsas iş sahələri vokal və musiqi alətləri, robot texnikası, 3D modelləşdirmə, veb dizayn, foto və video çəkilişlər olacaqdır. Bundan əlavə, burada sənətkarlıq, o cümlədən xalçaçılıq və dulusçuluq, eləcə də müxtəlif idman və xoreoqrafiya üzrə təlimlər keçirilməsi nəzərdə tutulmuşdur.

Qeyd edək ki, bu layihə “Unico” QSC-nin işğaldan azad olunmuş topraqlarda inşa işlərinə başladığı sayca ikinci layihədir.

Ötən ildən əməkdaşlığa başladığımız qardaş ölkə Qazaxıstanın “BI Group” Holdinqi ilə əməkdaşlığımızın uğurla davam edəcəyini ümid edirik.

1 2 3 4