İşgüzar səfərin təfərrüatları aşağıdakı videoda. Xoş seyirlər…
12 Avq
25 Apr
Birləşmiş Millətlər Təşkilatının (BMT) Qlobal Sazişinə qoşulduq
Məmnuniyyətlə elan etmək istərdik ki, biz artıq Birləşmiş Millətlər Təşkilatının (BMT) Qlobal Sazişinə qoşulduq
Təşəbbüsə qoşulmaqla biz ekoloji, sosial və korporativ idarəetmə sahələrində fəaliyyətini təkmilləşdirməyi, BMT-nin Dayanıqlı İnkişaf Məqsədlərinə, eləcə də, ölkə iqtisadiyyatına daha geniş töhfə verməyi planlaşdırırıq. Bundan əlavə insan haqları, işçi hüquqları, gender bərabərliyi, ətraf mühitin mühafizəsi və korrupsiyaya qarşı mübarizə ilə bağlı Qlobal Sazişin 10 prinsipinə əməl etməyi öhdəmizə götürürük.
Həmçinin, BMT-nin Qlobal Sazişinin iştirakçısı olaraq öz fəaliyyətimizi yaşıl inkişaf istiqamətlərinə və öhdəliklərinə daha da uyğunlaşdırdığımızı, cari ilin ölkəmizdə “Yaşıl dünya naminə həmrəylik ili” elan olunmasını və BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda keçiriləcəyini nəzərə alaraq fəaliyyətimizdə ətraf mühit məsələlərinə, yaşıl texnologiyaların tətbiqi və təbliğinə də xüsusi diqqət ayırdığımızı bildirmək istərdik.
25 İyn
24 iyun 2023-cü il tarixində “BI Group” ilə görüş
24 iyun 2023-cü il tarixində “UNICO” QSC-nin İnsan resursları və İnzibati Məsələlər departamentinin Meneceri Kamil Hüseynov və tikinti sektorunda uzun illər fəaliyyət göstərən və əldə edilən uğurlarına görə tanınan Qazaxıstan Respublikasının “BI Group” Holdinq adlı şirkətinin Layihə meneceri Daulet Canəbilov, İnsan resursları üzrə Meneceri Aysulu Karimbayeva, Maliyyə departamentinin nümayəndə heyəti Svetlana Xvan və Diana Mukacanova ilə görüş keçirilmişdir.
Görüşün məqsədi İnsan resursları sahəsində ikitərəfli münasibətlərin uğurlu inkişafını və geniş əməkdaşlıq imkanlarını ərsəyə gətirməkdir.
Məlumat üçün bildirmək istərdik ki, “BI-Group” Holdinq və “UNICO” QSC hal-hazırda Füzulidə uşaqlar üçün inşa edilən Kurmanqazı adına Yaradıcılığın İnkişafı Mərkəzi layihəsi çərçivəsində əməkdaşlıq edirlər.
09 Mar
2023-cü il martın 7-də Füzuli şəhərində Kurmanqazı Uşaq Yaradıcılıq Mərkəzinin təməli qoyulub
Belə ki, martın 7-də işğaldan azad edilmiş Füzuli şəhərində Qazaxıstan Prezidenti Qasım-Jomart Tokayevin tapşırığı ilə tikiləcək Kurmanqazi Uşaq Yaradıcılığının İnkişafı Mərkəzinin təməlqoyma mərasimi keçirilib, hansı ki, qardaş ölkələr arasında dostluq, qardaşlıq və qarşılıqlı dəstəyi təcəssüm etdirən qazax xalqının Azərbaycan xalqına hədiyyəsidir.
Təməlqoyma mərasimində Azərbaycan Respublikası Prezidentinin Qarabağ İqtisadi Bölgəsi üzrə xüsusi nümayəndəsi Emin Hüseynov, Qazaxıstan Respublikasının Azərbaycandakı Səfirliyinin siyasi müşaviri Jandos Nurmahambetov, BI Group Holding-in Direktorlar Şurasının sədri Aydın Rəhimbayev, layihə rəhbəri Daulet Janabilov, Unico QSC-nin təsisçisi Şəfiddin Pirmatov və Unico QSC-nin direktoru Elçin Axundov iştirak ediblər.
Bu ikimərtəbəli mərkəz gündə 600 ziyarət üçün nəzərdə tutulmuşdur və onun əsas iş sahələri vokal və musiqi alətləri, robot texnikası, 3D modelləşdirmə, veb dizayn, foto və video çəkilişlər olacaqdır. Bundan əlavə, burada sənətkarlıq, o cümlədən xalçaçılıq və dulusçuluq, eləcə də müxtəlif idman və xoreoqrafiya üzrə təlimlər keçirilməsi nəzərdə tutulmuşdur.
Qeyd edək ki, bu layihə “Unico” QSC-nin işğaldan azad olunmuş topraqlarda inşa işlərinə başladığı sayca ikinci layihədir.
Ötən ildən əməkdaşlığa başladığımız qardaş ölkə Qazaxıstanın “BI Group” Holdinqi ilə əməkdaşlığımızın uğurla davam edəcəyini ümid edirik.
23 Okt
“ABLOY” tərəfindən keçirilən “Going the Extra Mile” adlı Beynəlxalq Sammit 2022
“Unico” QSC-nin Baş direktoru Elçin Axundov və Strategiya və Biznesin İnkişafı üzrə direktor müavini Mircəfər Cəfərov xüsusi dəvət ilə Finlandiyanın Helsinki şəhərində “#ABLOY” tərəfindən keçirilən “Going the Extra Mile” adlı #Beynəlxalq #Sammit 2022-də iştirak ediblər.
Sammitin keçirildiyi iki gün müddətində əlavə millərə necə irəlilənəcəyi və birinci sinif müştəri tərcübəsinin necə yaradılacağı haqqında müzakirələr aparılmışdır.