Bu dəfəki fəxrimiz Ülviyyə Fətəliyevadır. O, Yunanıstanın Rodos adasında təşkil edilən qadın şahmatçılar arasında Avropa çempionatında 8,5 xal toplayaraq rəqibləri üçün əlçatmaz olub və Avropa çempionatının qızıl medalına layiq görülüb. Qeyd edək ki, Avropa Şahmat İttifaqı tərəfindən qadınlar arasında şəxsi Avropa çempionatı 2000-ci ildən təşkil olunur. Ülviyyə Fətəliyeva şəxsi qitə çempionatında qızıl medal qazanan ilk azərbaycanlı xanım şahmatçı kimi tarixə düşmüşdür.
Görüşdə qalibimiz uğur qazandığı yolda olan tarixçəsini və gələcək üçün olan planlarını bölüşmüşdür. Şirkətlər qrupunun Maliyyə rəhbəri və direktor müavini Vadim Abdullayev, Unico ailəsi adından xanım çempiona ölkəmizə gətirdiyi uğura görə öz təşəkkürlərini bildirmiş, hər zaman qaliblərimizin, ölkəmizin adını yüksəldən gənclərin yanında olduğunu, onlara dəstək göstərməyə hazır olduğunu xüsusi olaraq qeyd etmişdir.